Taimi Haihambo
Pandenhe Kuuvilia omumanido 34, oo a li e na oshibofa shedipawo lakaume kaye kopaihole Auguste Ndemupandula Jonas, oo a tuwa neembele oikando ya fika po10, ina monika ondjo koibofa yaye aishe ei a li a patululilwa.
Oshiningwanima eshi sha eta edipawo laJonas vati osha li sha ningwa mo 2023 kOtjiwarongo, konima eshi vati Kuuvilia a hangele Jonas e li nomulumenhu umwe monduda yavo yokunangala.
Efiku olo vati Kuuvilia a hanga kaume kaye kopaihole a nangala nomulumenhu umwe, vati tete omulumenhu okwe mu taataa monduda, nokonima okwa kufa ombele ndele ta tameka okutwa Jonas.
Jonas vati okwa kendabala lotokele monduda yamushiinda shaye, ashike Kuuvila vati omuvelo okwe u teya po, ndele ta twikile okutwa Jonas neembele natango.
Jonas okwa xulifila poshiningwanima, shaashi imwe yomeembele edi a tuwa o13, oye ke mu twa komutima.
Kuuvilia eshi a holoka momhangu lwotete okwa ti, ye ke na ondjo, nokwa pula omhangu i yandje ouyele ou tau ulike shili kutya oye a twa omunhu.
Kuuvilia okwa li a taalela oibofa ine, omo mwa kwatelwa edipawo lomunhu, osho wo eteyo leumbo omu mwa li mwa lolotekela oshihakanwa pefimbo tashi tuwa neembele, ndele mwaayishe oyo kape na omu a monika ondjo.